Mien Reurler Darp
Mien Reurler darp in ’t Gelders land
Ik zal oe nooit vergetten
Het darp waor ik geboren bun
waor ik mien jeugd heb ‘e sletten
Al gao ik heel de wereld deur
zie ‘k oe zo vaak niet meer
Mien hart dat truk waor ik ook bun,
altied naor Reurle weer
De wearld is zo wied zo groot
en mooi um te bekieken.
Um al dat vremde es te zien,
dat zal mien ok wal lieken.
Maor hoe et in de wereld is,
in ’t Zuuden, Noord, Oost, West
Veur mien blif in herinnering
mien Reurle toch het best.
Daor ligt het kerkplein met zien kerk
daor steet de olde mölle
Daor bunt de huuze zo vertrouwd,
en och, daor is zo völle.
Waor op ht land in zomerzun
de rog te wiegen steet,
daor ligt mien darp, mien Reurler darp,
het liefste dat ik weet.